(Paris) 10 Luulyo 2021. Shirkadda EA Sports ayaa soo bandhigtay sawirka hore ee Ciyaar-gacmeedka FIFA 22 kahor bilaabashada xilli ciyaareedka soo aaddan.
Game-ka FIFA noociisa 22 ayaa waxaa wajigiisa hore la saaray sawirka xiddiga kooxda Paris Saint-Germain ee Kylian Mbappe oo xiran maaliyadda naadigiisa inkastoo xagaagan si aad ah loola xiriirinayo naadiga Real Madrid.
Dad badan ayaa aaminsan inay tani ka dhigan tahay in Mbappe uu sii joogi doono naadiga PSG xilli ciyaareedka soo socda, balse taasi lama dhihi karo waa xog sugan maadaama ay kala madax bannaan yihiin sawirka Ciyaar-gacmeedka lagu iib geynayo iyo go’aanka mustaqbalka ciyaaryahanka.
Si kastaba ha ahaatee, xagaagii 2018 oo uu soo baxay Ciyaar-gacmeedka FIFA 19 waxaa ku xardhanaa sawirka Cristiano Ronaldo oo xiran maaliyadda Real Marid, balse dib u naqshadeynta billaha ah ayaa lagu baddelay isagoo xiran maaliyadda Juventus.
Gool FM.