(Paris) 18 Dis 2016 Kooxda reer France ee PSG ayaa diirada saaratay tababarihii ay ku badali lahayd Unai Emery oo ku jira xaalad liidata xiliciyaareed kan.
Unai Emery ayaa ka badalay shaqada kooxda PSG tababaraha reer France ee Laurent Blanc, balse wuxuu ku guul daraystay inuu kooxda isbadal muuqda ku sameeyo.
Sida ay baahisay Le Parisien, Maamulka kooxda PSG ayaa diyaarsaday liiska tababarayaasha ay ku badali karaan Unai Emery haddii laga cayriyo kooxda.
Kooxda ayaa diirada saaratay 70 jirka reer Talyaani ee Fabio Capello kaas oo ay u arkaan badalka ku haboon ee Enai Emery, waxaana xusid mudan in tababarahaan uusan qaban wax shaqo ah tan iyo markii uu ka tagay shaqada xulka Ruushka.
Dhanka kale Roberto Mancini ayaa ku jira liiska tababarayaasha ay dooqdeen maamulka PSG, mana uusan qaban wax shaqo ah tan iyo markii uu ka tagay kooxda Inter suuqii xaggaaga.
Gool FM