(Paris) 25 Luulyo 2021. Wararkii ugu dambeeyay ee la xiriira arrimaha mustaqbalka Kylian Mbappe ayaa sheegaya inuu xiddiga kooxda Paris Saint-Germain u sheegay macallinkiisa Mauricio Pochettino inuusan dooneyn inuu heshiis cusub saxiixo si uu Paris usii joogo.
22-sano jirka weerarka ka ciyaara ayaa heshiiska uu kula jiro PSG waxaa kaga harsan hal sano, waxaana uu ka dhego fureystay heshiisyada ay usoo bandhigeyso kooxdiisa si uu ula sii joogo.
Haatanna wargeyska MARCA ee kasoo Spain ayaa sheegaya inuu Mbappe iska diiday inuu qandaraaska u kordhiyo kooxda Ligue 1 ciyaarta si uu xagaaga dambe bilaash ugu biiro naadiga Real Madrid oo baacsaneysay tan iyo xilligii uu ku sugnaa naadiga AS Monaco.
Si kastaba ha ahaatee, PSG ayaa haatan dhexda kaga jirta laba-labeyn xooggan oo ay ku kala dooraneyso inay laacibkan xagaagan iibiyaan ama inay bilaash ku lumiso xagaaga dambe inta ka horreysana ay dadaal badan ku bixiso sidii ay ugu qancin lahayd inuu baaqi kusii ahaado Parc des Princess.
Gool FM.