(Paris) 23 Dis 2016 – Kooxda kubadda cagta Paris Saint-Germain ayaa heshiis kala gaartay naadiga Wolfsburg sidii ay uga soo qaadan lahayd Julian Draxler marka la furo suuqa kala iibsiga xiddigaha.
Draxler oo 23 sano jir ah ayaa Wolfsburg kaga soo dhaqaaqay xagaagii 2015 kooxda Schalke, waxaana uu u saxiixay heshiis shan sanadood ah.
Shabakadda ciyaaraha Goal.com ayaa fahansan in PSG ay aqbashay qiimaha ay xiddigan reer Jarmal ku keeni karaan garoonka Parc des Princes oo ah €45 million.
Kooxda ka dhisan horyaalka Bundesliga ayaa heli doonta €35m, iyadoo ay suurogal tahay in qiimaha lagu kordhiyo €10m oo ku xirnaan doonta qaab ciyaareedka xiddigan.
Kooxda ka dhisan Premier League ee Arsenal ayaa sidoo kale la la xiriirinayey Draxler, laakiin hadda waxa uu u dhaqaaqi doonaa Paris bisha Janaayo, isagoo saxiixi doona heshiis u dhaxeeya saddex ama afar sanadood.
Gool FM.