(Liverpool) 23 Agoosto 2021. Naadiga Lyon ayaa ku dhowaaqday iney dhiggeeda Liverpool kala heshiisay iibka Xherdan Shaqiri kaasoo saacadaha soo aaddan la filayo in si rasmi ah loo soo bandhigo.
29-sano jirkan ayaa gaaray dalka Faransiiska sida lagu helayo wararka qaar halkaas oo uu tijaabada caafimaadka ku marayo sidoo kalena uu ku saxiixo heshiiska uu uga mid noqonayo naadigiisa cusub waana inta ka dhimman dhammeystirka wareegistiisa.
Reds ayaa dhiggeeda Lyon ka heli doonto qiimo dhan 12 milyan oo euro oo uu ku kacayo heshiiska Shaqiri.
Xiddigii hore ee Stoke City iyo Bayern Munich ayaa qaab ciyaareed heer sare ah kusoo bandhigay tartankii qarammada Yurub ee Euro 2020 kaasoo xagaagan la ciyaaray.
Gool FM.