(Paris) 29 Agoosto 2021. Weeraryahanka kooxda Paris Sain-Germain ee Kylian Mbappe ayaa si aad ah loola xiriirinayaa naadiga Real Madrid taasoo jawaab ka sugeysa dalabkii ugu dambeeyay ee ay ka gudbisay.
Balse Majaladda MARCA ee kasoo baxda Spain ayaa daabacday inay PSG u dhaqaaqi doonto soo xero gelinta laacinka kooxda Borussia Dortmund ee Erling Haaland haddii uu Mbappe xagaagan ku biiro naadiga Los Blancos.
Weeraryahanka Faransiiska ayaa iska diiday inuu kordhiyo qandaraaska uu kula jiro kooxdiisa kaasoo dhici doona xagaaga dambe waxaana uu dalbaday in xagaagan laga iibiyo Madrid.
Si kastaba ha ahaatee, maamulka kooxda Paris ka dhisan ayaa isku dayaya inay qiimo sare ku iibiyaan Mbappe ama ay sii heystaan xilli ciyaareedka ka dhiman qandaraaskiisa.
Gool FM.