(Europe) 24 Dis 2016. Xiddiga qadka dhexe ee weerarka naadiga Wolfsburg Julian Draxler ee waqtiga dheer bartilmaameedka u ahaa tababare Arsene Wenger ayaa si rasmi ah ugu biiray kooxda PSG ee dalka Faransiiska sida ay shaacisay kooxda ka dhisan Jarmalka.
Xiddiga reer Germany ayaa la warinayaa inuu qallinka ku duugay heshiis afar sano ah uu ku joogayo gegada Parc des Princes.
Goal ayaa waxay fahansan tahay in PSG ay bixisay lacago dhan 35-milyan oo euro si ay ula soo saxiixato laacibkan iyadoo ay suuro gal tahay inay 10-milyan kale ay gunno ahaan u siin doonaan laacibka.
Goor dhaweyd ayaa la shaaciyay sawir la soo helay oo muujinaya laacibka oo sare u haya maaliyada kooxda PSG oo ay waliba ku xardhan tahay NO.23.
Gool FM.