(Paris) 15 Sebt 2021. Angel Di Maria ayaa la soo warinayaa inuu dib ugu laaban doono dalkiisa Argentina marka uu ka tago Kooxda uu iminka ka tirsan yahay ee Paris Saint-Germain.
Di Maria ayaa rajeynaya inuu dib ugu laaban doono Kooxda Rosario, marka uu ka dhaqaaqo caasimadda Faransiiska.
Sida lagu daabacay Warsidaha Le10, Angel Di Maria ayaa doonaya inuu dib ugu laabto dalkiisa Argentina, isla markaana uu ciyaarihiisa ku soo gabagabeeyo Kooxda Rosario Central.
Tallaabadan ayaysan u badnayn inuu qaado ka hor inta uu ka dhammaanayo qandaraaskiisa Kooxda Paris Saint-Germain sanadka 2023-ka, laakiin marka uu dhammaysto heshiiska uu ku joogo caasimadda Faransiiska, waxa uu dib ugu laaban doonaa kooxdii carruurnimadiisa, halkaasoo uu kabaha kubadda cagta isaga siibi doono sida qorshuhu yahay.
Gool FM.