(Paris) 24 Jan 2017 Weerar yahanka kooxda PSG ee Jese Rodriguez ayaa looga gacan haatinayaa horyaalka ingiriiska sida ay baahisay Marca.
Jese Rodriguez ayaa lala xiriiriyay kooxda Las Palmas ee dalka Spain, laakiin madaxwaynaha kooxdaas ayaa sheegay in koox ingiriis ah ay diyaar u tahay saxiixiisa.
Warar hoose ayaa la xiriiriyay Jese Rodriguez kooxda Liverpool, si uu u buuxiyo booskii uu baneeyay Mane oo xulkiisa kala qaybgalaya koobka Afrika.
Madaxwaynaha kooxda Las Palmas ee Miguel Angel Ramirez oo la hadlay Marca ayaa yiri:
“Waxaan la hadlay wakiilka Jese Rodriguez, waxaana jirta koox ingiriis ah oo diyaar ula ah inay bixiyaan waxa uu doonayo”.
Kooxda Las Palmas ayaa gacanta ka taagtay mushaarka qaaliga ah ee Jese, taas oo keentay in kooxda reer Spain ay kabaxdo qorshihii ay kula soo wareegi lahayd.
Gool FM