(Monaco) 28 Jan 2017 Weerar yahanka kooxda Monaco ee Radamel Falcao ayaa ka hadlay sababtii uu isaga diiday suuqaan u dhaqaaqida horyaalka shiinaha.
Radamel Falcao ayaa daaha ka qaaday inuu iska diiday ilaa 3-dalab oo ka soo gaaray dhanka kooxaha shiinaha oo lacag badan u soo bandhigay.
Falcao ayaa sheegay in xitaa kooxdiisa loo soo bandhigay dalab aysan diidi karin balse isagu uu doortay inuu iska sii joogo Monaco si uu ugula guulaysto koobab isla markaana uu dib ugu helo qaab ciyaareedkiisii hore.
“Aad ayeey u adagtahay in la diido dalabyadaas oo kale, laakiin ilaa 3-jeer ayaan maya iri dalabyada kooxaha shiinaha” ayuu yiri Falcao.
“Kooxda xitaa arinku uma fududeyn, waxaa loo soo bandhigay lacag badan laakiin waxaan doonayaa inaan koobab kula guulaysto Monaco iyo inaan 100% dib ugu soo laabto heerkeygii hore, dhiirogalintayduna waa taas”.
Gool FM