(Paris) 30 Nof 2021. Kooxda kubadda cagta Manchester United ayaa war dhegahooda u fiican ka helaysa kooxda Paris Saint-Germain oo la sheegay inay diyaar u tahay inay macallinkeeda Mauricio Pochettino u fasaxdo u dhaqaaqista naadiga Ingiriiska ah haddii ay labadan shuruud kulmaan.
Wararka ka imaanaya dalka Faransiiska ayaa sheegaya inay PSG diyaar u tahay inay macallinkeeda u ogolaato inuu qabto shaqada Man United dhammaadka xilli ciyaareedkan maamaama ay haatan Red Devils si ku meel gaar ah u magacawday Ralph Rangnick.
Wargeyska Telefoot ayaa baahiyay inay Paris fasaxeyso macalinka reer Argentina haddii ay Manchester United bixiso lacagta lagu jebin karo heshiiska macallinkii hore ee Tottenham kaasoo dhacaya 2023, waxaana lacagtaas lagu sheegay 17 milyan oo gini.
Si kastaba ha ahaatee, shardiga labaad ayaa loo arkaa mid aanan sahlaneyn waana inay PSG meel ku hubsato ogolaanshaha Zinedine Zidane uu ku maamulayo Parc des Princess taasoo la micno ah inay hesho baddel ku habboon oo ay Pochettino kaga maarmi karto.
Gool FM.