(Madrid) 15 Dis 2021. Kooxda kubadda cagta Real Madrid ayaa lagu soo warramayaa inay go’aansatay dib u dhigista ku dhawaaqidda heshiiska Kylian Mbappe xitaa haddii ay si horudhac ah ula heshiiso laacibkan bisha January ee soo aaddan.
Qandaraaska Mbbape uu kula jiro kooxda Paris Saint-Germain ayaa dhici doono dhammaadka xilli ciyaareedkan, waxaana sidaas darteed uu xor u yahay inuu heshiis la gaari karo kooxdii uu doono ee ka dhisan meel ka baxsan dalka Faransiiska.
Sida laga soo xigtay wargeyska AS ee kasoo baxa dalka Spain, Los Blancos ayaa diyaar u ah inay dib u dhigto shaacinta saxiixa Mbappe xitaa haddii ay gacanta ku dhigto heshiiskiisa horudhaca ah bisha January iyadoo sugeysa inuu dhaafo is-aragga ay PSG kula balansan yihiin wareegga 16-ka tartanka Champions League.
Wargeyska ayaa intaas ku daray in sababta ay Real Madrid go’aankaas u qaadatay uu yahya xushmeyn iyo qaddarin ay u sameyneyso naadiga Paris ka dhisan iyo taageerayaasheeda kahor kulankooda Champions League, waxaana taasi ay muujineysaa inay Madrid xiddigan heshiis horudhac ah qorsheyneyso inay la gaarto si xagaaga dambe ay bilaash ula wareegto.
Gool FM.