(Paris) 03 Jan 2022. Kooxda kubadda cagta Paris Saint-Germain ayaa xaqiijisay in xanuunka Koofid-19 laga helay afar ka mid ah xiddigaheeda waxaana ku jira Lionel Messi oo fasaxii Ciidda Masiixigi kusoo qaatay dalka Argentina.
Kaddib Messi, xiddigaha kale ee laga helay Korona waxay kala yihiin xiddiga difaaca bidix ka ciyaara ee Juan Bernat, Goolhaye Sergio Rico iyo xiddiga ku jira kulyadda dhallinyarada ee Nathan Bitumazala.
Waa xaalad aanan u wanaagsaneyn qorshaha Macallin Mauricio Pochettino maadaama uusan heli karin xiddigahan ciyaarta caawa ay booqaneyso kooxdiisa naadiga Vannes kulan ka tirsan tartanka Coupe de France, waxaana sidoo kale uu seegi karaa kulanka muhiimka ah ee 9-ka January PSG la leedahay naadiga Lyon ee ka tirsan horyaalka Ligue 1 haddii baaritaanka xiga uusan diidmo (Negative) noqon.
Si kastaba ha ahaatee, waxaa la baahiyay muuqaallo uu Messi ku sameynayo qoob-ka-ciyaar isagoo xaaskiisa la joogo goob lagu caweeyo oo aad u camiran halkaas oo la fahansan yahay inuu kasoo qaaday feyraskan faafa.
Gool FM.