(Paris) 04 Jan 2022. Xiddiga kooxda Paris Saint-Germain ee Kylian Mbappe ayaa muujiyay sida uu ugu faraxsan yahay guushii ay ka gaareen kooxda Vannes ee wareegga 32-aad ee French Cup.
Mbappe ayaa dhaliyay saddexleey goolal ah kulankii xalay ku dhammaaday 4-0 oo ay ku badisay Parisians, waxaana kooxda ka maqnaa Tababare Mauricio Pochettino iyo labada xiddig ee Naadiga Messi & Neymar.
Waxa uu Mbappe Jariiradda Marca ee ka soo baxda Spain u sheegay: “Waan faraxsan tahay, kulanku ma’ahayn mid noo fudud, laakiin waxaan sameynay wixii muhiimka ahaa inaan qabanno.”
Xiddiga xulka qaranka Faransiiska oo hadalkiisa sii wata ayaa yiri: “Rajadayda 2022? caafimaad iyo farxad & inaan koobab badan kula guuleysto kooxda Paris Saint-Germain iyo xulkeyga qaranka.”
Mbappe ayaa dhaliyay goolkiisii 150-aad ee kooxda Paris Saint-Germain xalay, waxaana kaliya ka sarreeya taariikhda goolasha kooxda Paris ee Zlatan Ibrahimović oo dhaliyay 156 gool iyo Edinson Cavani oo PSG u dhaliyay 200 oo gool.
Mbappe ayaa la la xiriirinayaa suurtogalnimada uu ugu dhaqaaqi karo Real Madrid inta lagu jiro xagaaga soo socda, waxaana Mbappe qandaraaska uu kula jiro Parisians uu ku eg yahay bisha June ee soo aaddan, iyadoo labada dhinac aysan weli heshiis ka gaarin qandaraas kordhintiisa.
Gool FM.