(Paris) 11 Feb 2022. Tababaraha Paris Saint-Germain ee Mauricio Pochettino ayaa sheegay in kooxda ay rajaynayso in Kylian Mbappé uu xirfadiisa kubbada cagta oo dhan ku dhamaysto PSG.
Qandaraaska Kylian Mbappé ee Paris Saint-Germain ayaa dhacaya xagaaga soo aadan, kooxda ayaana isku dayaysa siyaabo kala duwan inay ku qanciso xiddiga da’ada yar ee reer France inuu qandaraaska u kordhiyo.
Real Madrid waa mid ka mid ah magacyada ugu caansan ee si xoogan ugu sharaxan inay beeca xurta ah kula wareegaan Kylian Mbappe xagaaga soo aadan, gaar ahaan maadaama ciyaaryahanka uu ku riyoonayo inuu u ciyaaro Los Blancos.
Shabakada Goal ayaa shaacisay wareysi uu Mauricio Pochettino kaga hadlay mustaqbalka Kylian Mbappé, wuxuuna yiri:
“Waxaan rajeyneynaa in Kylian Mbappe uu mustaqbalkiisa kubadda cagta oo dhan ku qaato Paris Saint-Germain.”
“Waxay calaamad aad u wanaagsan u noqon doontaa kooxda, tani waa. waxa aan rajeyneyno.”
“Aniga ahaan, Kylian Mbappe waa mid ka mid ah shanta ciyaaryahan ee ugu fiican adduunka shaki la’aan,” ayuu raaciyay hadalkiisa.
Gool FM.