(London) 22 Feb 2022. Chelsea ayaa guul ka gaartay kooxda Lille oo marti ugu ahayd garoonka Stamford Bridge kaddib markii ay kaga adkaatay 2-0, kulanka lugta hore ee wareega 16-ka ee tartanka UEFA Champions League.
Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Chelsea.
Daqiiqadii 8-aad kooxa Chelsea ayaa hoggaanka ciyarta la wareegtay kaddib markii uu 1-0 ka dhigay laacibkooda Kai Havertz, waxaana caawita goolkan yeeshay Hakim Ziyech.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
63 daqiiqo marka ay dheesha mareysay kooxda Chelsea ayaa dhalisay goolkeeda labaad waxaana 2-0 kadhigay Christian Pulisic oo caawin ka helay saaxiibkiis N’Golo Kanté.
Ugu dambeyntii ciyaarta ayaa ku dhammaatay 2-0 ay kaga adkaatay Chelsea, kooxda Lille oo marti ugu ahayd garoonka Stamford Bridge, kulankii lugta hore wareega 16-ka tartanka UEFA Champions League.
Dhinaca kale kooxaha Villarreal iyo Juventus ayaa ku kala baxay barbardhac 1-1 ah kulankoodii lugta hore wareega 16-ka tartanka UEFA Champions League, Juventus oo goolka ku hormartay waxaa u dhaliyay D. Vlahovic halka goolka naadiga Villarreal uu dhaliyay laacibkooda D. Parejo.
Gool FM.