(Madrid) 02 Mar 2022. Taageerayaasha Real Madrid ayaan lumin kalsoonida ay ku qabaan fursadaha Kooxdooda ee Champions League, inkastoo lugtii hore ee wareegga 16-ka ay guuldarro 1-0 ah kala soo laabteen Paris Saint-Germain, iyadoo dhammaan tigidhada lugta labaad ee ka qabsoomaya caasimadda Spain mar hore la iibiyey.
Waxay qaadatay wax ka yar afar saacadood in 6,000 oo tikidh ee ahaa kuwii ugu dambeeyay la iibiyo inta aan la gaarin 9-ka bisha Maarso.
Guud ahaan, 60,000 oo daawadayaal ah ayaa ku sugnaan doona tarabuunka garoonka Santiago Bernabéu, iyagoo rajeynaya in kooxdooda ay soo laabasho ku sameyso naadiga reer France.
Dhammaan tigidhada suuro-galka u ahaa in la siiyo taageerayaasha ayaa la iibiyey, iyadoo loo marayo habka iibka rasmiga ah, tikidhadana ma ahayn kuwo raqiis ah oo waxa ay u dhexeeyeen qiimo ahaan 100 illaa iyo 410 Euro.
Ciyaarta ay la ciyaarayaan PSG, Kooxda Real Madrid ayaa furi doonta mid ka mid ah qeyb ka mid ah garoonka oo loo xiray sababo la xiriira shaqo ka socotay garoonka, taasoo si weyn kor ugu qaadi doonta awoodda daawashada.
Sidoo kale waxaa garoonka Santiago Bernabue ku sugnaan doona taageerayaasha kooxda PSG, maadaama taageerayaasha kooxda reer France ay sidoo kale iibsadeen dhammaan tigidhadii loo qoondeeyay.
Gool FM.