(Paris) 23 Mar 2017. Chelsea waxa ay war wanaagsan ka heshay himiladeedii ahayd soo iibsashada Marco Verratti kaddib markii wakiilka xiddiga uu qiray in uu uga tagi doono Paris Saint – Germain ku guuleysiga koobab.
24 jirka waxa uu haatan ku sugan yahay PSG shan olole isaga oo la qaaay afar Ligue 1 intii uu joogay France.
Laakiin wali PSG waxa ay ka gaabisay loolanka Champions League iyada oo dhawaan si lama filaan ah oo taariikhda gashay wareega 16ka ay Barcelona uga soo cirib tirtay.
Lugtii hore oo ka dhacay Perc de Princes waxa uu ku soo dhamaaday 4-0 oo ay gacanta sare ku lahayd PSG balse Camo Nou ayaa 6-1 loogu dhiibay.
Chelsea ayaa dooneysa Verrata halka Barcelona ay Iyana isha ku hayso sida ay qabaan warar ka soo baxaya Spain.
‘Xaalada aad ayey u cakiran tahay, heshiis 2021ka ayuu ku jiraa oo aad muhiim u ah’, sidaas waxaa Gazzetta dello Sport u sheegay Donato Di Campli oo ah wakiilka Verratti.
Gool FM.