(Paris) 25 Maarso 2017 Daafaca reer Brazil ee kooxda PSG Marquinhos ayaa si cad u sheegay inuu doonayo inuu sii joogo kooxdiisa.
Marquinhos ayaa aad loola xiriiriyay kooxaha Manchester United iyo Barcelona, balse wuxuu muujiyay in ugu yaraan uu sii joogi doono PSG ilaa 2019 oo ah xiliga uu dhacayo qandaraaskiisa kooxda reer France.
22 jirkaan ayaa intaa ku daray inuu kooxdiisa la furay wada hadal heshiis kordhin ah isaga oo sii daba dhigay in hamigiisu uu yahay inuu sii joogo PSG.
“Si dhab ah ayaan u bilownay wadahadalada heshiis kordhinta, waxaana xaqiiq ah inay waqti qaadan doonto inlagaaro heshiis” ayuu ku jawaabay mar wax laga waydiiyay mustaqbalkiisa.
“Waa sax heshiiskeyga haatan wuxuu dhacayaa 2019, laakiin bilowga wadahadalada ayaa wax walba cadayn u ah, ani ahaan waxaan doonayaa inaan sii joogo PSG”.
Gool FM