(London) 18 Luulyo 2022. Kooxda Chelsea ayaa dooneysa inay xoojiso daafaceeda inta lagu jiro suuqa xagaagan, waxayna bartilmaameedyadooda qeyb kaga soo dhigeen daafaca naadiga Paris Saint-Germain ee Presnel Kimpembe.
Thomas Tuchel ayaa damacsan in qeybta dambe ee daafa lagu xoojiyo heshiis cusub kaddib imaatinka Kalidou Koulibaly, si uu u helo badelka Antonio Rudiger iyo Andreas Christensen.
Sida laga soo xigtay warbixin uu daabacay wargeyska Ingiriiska, Daily Mail, Chelsea ayaa dalab 40 million pounds ah u dirtay PSG si ay kaga hesho adeega Presnel Kimpembe.
Warbixinta ayaa tilmaamtay in maamulka kooxda Paris ay diyaar u yihiin inay ka wada xaajoodaan iibka daafaca heerka caalami ee dalka Faransiiska haddii dalabku uu gaaro 42 million pounds.
26-jirka reer France wuxuu ku fiican yahay ka ciyaarista daafaca dhexe, waxaana uu qandaraas kula jira kooxda Paris Saint-Germain ilaa June 2024.
Gool FM.