(Yurub) 12 Sebt 2022. Horyaallada waa weyn ee qaaradda Yurub ayaa heerarka ugu horreeya maraya haatan, waxaana jira xiddigo durba wacdaro dhigaya, waxaana halkaan ku soo gudbin doonnaa xiddigaha ugu goolasha badan iyo kuwa ugu caawinta badan shanta horyaal ee ugu waa weyn Yurub ilaa iyo haatan kulammada la ciyaaray fasal ciyaareedka cusub.
:: England – Premier League ::
Erling Haaland oo ka tirsan Manchester City ayaa ugu goolal badan 6 kulan 10 gool.
Kevin De Bruyne oo ka tirsan Manchester City ayaa ugu caawin badan 6 kulan 4 caawin.
:: Spain – La Liga ::
Robert Lewandowski oo ka tirsan Barcelona ayaa ugu goolal badan 5 kulan 6 gool.
Lee Kang-In oo ka tirsan Mallorca & João Félix oo ka mid ah Atlético Madrid ayaa caawinta hoggaaminaya oo wada leh 3 caawin min 5 kulan oo ay ciyaareen illaa iyo haatan.
:: Italy – Serie A ::
Marko Arnautovic oo ka tirsan Bologna ayaa ugu goolal badan 6 kulan 6 gool.
Roberto Pereyra oo ka tirsan Udinese iyo Sergej Milinkovic-Savic oo ka mid ah Lazio ayaa caawinta hoggaaminaya oo wada leh 4 caawin min 6 kulan oo ay ciyaareen illaa iyo haatan.
:: Germany – Bundesliga ::
Sheraldo Becker oo ka tirsan Union Berlin iyo Niclas Füllkrug oo ka mid ah Werder Bremen ayaa ugu goolal badan oo wada leh min 5 gool kaddib 6 kulan oo ay ciyaareen.
Randal Kolo Muani oo ka tirsan Kooxda Eintracht Frankfurt ayaa ugu caawin badan oo 6 kulan leh 4 caawin.
:: France – Ligue 1 ::
Neymar Jr oo ka tirsan Kooxda Paris Saint Germain ayaa ugu goolal badan, wuxuuna 7 kulan leeyahay 8 gool, isagoo sidoo kale sameeyey 6 caawin.
Lionel Messi oo ka tirsan Kooxda Paris Saint Germain ayaa ugu caawin badan, wuxuuna 7 kulan leeyahay 7 caawin, waana ciyaaryahanka ugu caawinta badan guud ahaan shanta horyaal ee ugu waa weyn Yurub.
Gool FM.