(Paris) 13 Sebt 2022. Waxaa la shaaciyey muddada uu garoomada ka maqnaan doono Kimpembe iyo in goolhaye Keylor Navas uusan qeyb ka ahayn safarka PSG ku tagayso Israel.
Kimpembe ayaan la heli doonin oo garoommada ka maqnaan doona muddo lix toddobaad ah sababo la xiriira dhaawac muruqa bidix ka soo gaaray.
Maanta oo Talaado ah ayaa warbixin caafimaad laga helay xiddigaha Kooxda PSG ee Presnel Kimpembe, Keylor Navas iyo Renato Sanches.
– Dhaawac muruqa bidix ah awgii, Presnel Kimpembe waxa uu maqnaan doonaa ilaa 6 toddobaad.
– Keylor Navas waxa uu ka cabanayaa xanuun dhanka hoose oo dhabarka ah, kooxdana ilama safri doono dalka Israel.
– Dhaawac ka soo gaaray jilibka midig awgii, Renato Sanches ayaa sii wadi doona baxnaanada loogu sameynayo xarunta tababarka kooxda.
Gool FM.