(Paris) 12 Okt 2022. Daafaca kooxda Paris Saint-Germain ee Sergio Ramos ayaa xaqiijiyay in saaxiibkiis Kylian Mbappé uu aad ugu faraxsan yahay inuu joogo kooxda Paris Saint-Germain.
Hadalka Sergio Ramos ayaa imaanaya kaddib markii ay soo baxeen warar sheegaya in weeraryahanka reer France ee Kylian Mbappé, aanu ku faraxsaneen kooxda Paris Saint-Germain.
Wargeyka Marca ee dalka Spain ayaa xaqiijiyay hamiga xiddiga reer France iyo Paris Saint-Germain ee Kylian Mbappé ee ah inuu ka tago kooxda inta lagu guda jiro suuqa kala iibsiga jiilaalka ee soo socda.
Wargeyska, oo soo xiganaya “RMC”, ayaa tilmaamay in xiriirka ka dhexeeya Mbappé iyo maamulka PSG uu gabi ahaanba burburay, isla markaana uu doonayo inuu baxo bisha Janaayo.
Sida laga soo xigtay wargeyska “Marca” ee dalka Spain, Sergio Ramos ayaa yiri:
“Mustaqbalka Kylian Mbappe? Waxa kaliya ee aan kuu sheegi karo ayaa ah inuu yahay mid ka mid ah asxaabtayda ugu fiican, waxa aan ogahay maalin kasta in uu aad ugu faraxsan yahay halkan Paris.”
“Taasi waa sababta Kylian Mbappe uu qandaraaska u cusbooneysiiyay xagaagii, uma maleynayo in wararka xanta ah ay run yihiin.”
“Sidaas darteed waxaan sii wadeynaa inaan diirada saarno nafteena oo aan iska indhatirno warkaas.”
Gool FM.