(London) 17 Maarso 2016 – Kooxda kubadda cagta Chelsea ayaa u soo bandhigtay Zlatan Ibrahimovic heshiis labo sanadood ah oo ku kacaya ku dhawaad 20 milyan oo gini sida ay saakay daabacday Footmercato.
Warbixinta ayaa intaas ku daraysa in kooxda haysata horyaalka Premier League ay u soo bandhigtay 34-sano jirkaan kaasoo qandaraaskiisa kooxda Paris Saint-Germain uu ka dhacayo xagaagan, heshiis uu ku qaadanayo xilli ciyaareedkii 9.75 milyan oo gini.
Ibrahimovic ayaa sidoo kale xiisaynaya oo indhaha ku haya inuu Yurub xamaasho, isagoo iska diidi doona sida wararku ay sheegayaan dalabyada kaga imaanaya horyaalka Major League Soccer ee Maraykanka iyo horyaalka Waddanka Shiinaha.
Kooxaha Manchester United iyo AC Milan ayaa sidoo kale la soo warinayaa inay xiisaynayaan xiddigan xulka qaranka Sweden.
Gool FM.