(Barcelona) 29 Luulyo 2017 Barcelona ayaa aqbashay inay wada hadal la furto dhigeeda PSG sida lagu daabacay wargayska Sport ee aadka ugu dhaw Barca.
Kadib hakad ku yimid wax kala iibsiga labada kooxood 3-dii sano ee u danbayay ayeey Barcelona aqbashay markaan inay wadahadal la furto PSG kaas oo ku aadan iibka Neymar.
PSG ayaa horay uga diiday Barcelona inay kala xaajooto iibka Thiago Silva, Marquinhos iyo waliba Marco Verratti.
Laakiin xaalka ayaa haatan ka duwan sidii hore maadama PSG ay tahay kooxda wax doonaysa, Barca ayaa markii hore diiday inay wadahadal la furto kooxda reer France laakiin dib ayeey u badaleen go’aankooda maadama PSG ay diyaar u tahay inay bixiso lacag fara badan.
Wargayska ayaa intaa ku daray in Barcelona ay ogolaatay wadahadalada balse aysan ogolayn in la dhimo qiimaha laacibka oo ah 222 milyan oo Euro.
Gool FM