(Nyon) 18 Maarso 2016 – Xiriirka kubadda cagta yurub ee UEFA ayaa sameeyay isku aadka rubuc-dhamaadka Champions League, iyadoo ay isku aadeen labada kooxood ee ku xafiiltama horyaalka La Ligaha Spain ee Barcelona iyo Atletico Madrid.
Kooxda kubadda cagta Real Madrid ayaa kulanka hore booqan doonta Wolfsburg, halka Bayern Munich ay garoonkeeda ku soo dhawayn doonto Benfica.
Labada kooxood ee reer Spain Barcelona iyo Atletico Madrid ayaa madaxa la isku galiyey, iyadoo PSG oo soo reebtay Chelsea ay soo dhawayn doonto Manchester City.
Lugta hore ee rubuc-dhamaadka Champions League ayaa la ciyaari doonaa 5 iyo 6 bisha April, halka lugta labaadna la ciyaari doono 12 iyo 13 isla bisha April.
Isku aadka oo dhameystiran halkaan ka daalaco:
Wolfsburg vs Real Madrid
Bayern Munich vs Benfica
Barcelona vs Atletico Madrid
PSG vs Manchester City
Gool FM.