(Nice) 07 Agoosto 2017. Wesley Sneijder ayaa lagu wadaa inuu saacadaha soo socda tijaabada caafimaad u maro kooxda hamiga badan ee Nice ee ka ciyaarta horyaalka Ligue 1 ee dalka Fransiiska.
Labada dhinac ayaa la sheegayaa inay heshiis mabda’ ahaan wada gaareen iyadoo uu laacibka reer Holland dib ula midoobi doono saaxiibkii hore ee Inter Milan Mario Balotelli oo isagu wacdaro halkan ka dhigay kal ciyaareedkii tagay.
Nice oo si xoogan isku qalabeynaysa ayaa labo sano gudahood horey ula soo wareegtay xiddigo waa wayn sida Hatem Ben Arfa, Mario Balotelli, daaficii reer Brazil Dante iyo Younes Belhanda.
(@mb459) on 33-jirka Champions League kula soo guuleystay Inter Milan 2010 ayaa iska diiday dalab qaali ah uu ugu biiri karay horyaalka dalka Mareykanka ee MLS.
Waxaa lagu wadaa in Sneijder uu heshiis 1 sano ah oo leh dooq sanad kale qalinka ugu duugo kooxda Nice.
Gool FM.