(Monaco) 19 Agoosto 2017 Kooxda Monaco ayaa u muuqata mid awoodi waysay inay ka hortagto lacaga faraha badan ee uga imaanaya PSG.
Mundo Deportivo ayaa baahisay in Monaco ay aqbashay dalab dhan 180 milyan oo euro oo lagu daray 20 milyan oo ah dhamaystirka heshiiska, si Kylian Mbappe uu ugu biiro kooxda caasimada.
Kylian Mbappe ayaa mushaar uga qaadan doona PSG lacag dhan 18 milyan oo euro oo ka baxsan canshuurta sanadkii.
Wuxuuna qalinka ugu duugayaa PSG heshiis 5-sano ah, wuxuuna sidaas ku noqonayaa laacibka labaad ee ugu qaalisan aduunka kadib Neymar.
PSG ayaa iska iibisay Matuidi, waxayna doonayaan haatan inay iska diraan Draxler iyo Di Maria si kooxdu ay uga fogaato jabinta sharciga dhaqaale wanaaga kooxda qaarada yurub.
Gool FM