(Liverpool) 28 Agoosto 2017 Kooxda Liverpool ayaa u muuqata mid gacanta ku dhigaysa laacibka kooxda Monaco ee Thomas Lemar.
Xiddigaan ayaa diirada u saarnaa Arsenal suuqa xaggaagan laakiin tababare Arsene Wenger ayaa goor hore sheegay in kooxdiisa laga diiday iibka laacibka.
Telegraph ayaa daaha ka qaaday in Liverpool ay diyaarsatay lacag dhan 55 milyan oo Ginni si ay u hesho Thomas Lemar.
Xiisaha Liverpool ee Thomas Lemar ayaa ahaa mid jira tan iyo bilowgii suuqa, laakiin haatan ayeey u dhaqaaqi doonaan soo xerogalintiisa.
Liverpool uma soo iibsanayso Thomas Lemar si uu u buuxiyo booska Coutinho maadama aysan diyaar u ahayn in laacibka reer Brazil ay iska diraan xaggaagan sida lagu sheegay warbixinta.
Uma badna in Monaco ay iska iibiso Lemar xaggaagan laakiin kooxda ayaa aqbali doonta dalab walba oo ka badan 80 milyan oo euro.
Gool FM