(Manchester) 25 Mar 2016 Kooxda Man United ayaa qorshaynaysa inay uga adkaato saxiixa weerar yahanka kooxda PSG Zlatan Ibrahimovic kooxo badan oo kula loolama horyaalka ingiriiska suuqa kala iibsiga ee xaggaaga.
Star ayaa baahisay in maamulka sare ee kooxda United ay bartilmaameedkooda koowaad ka dhiganayaan Zlatan Ibrahimovic iyaga oo diyaar u ah inay faraqa ugu shubaan mushaar qaali ah.
“Laacibkaan 34 jirka ah xor ayuu noqon doonaa bisha June markaas oo uu ku egyahay qandaraaskiisa PSG, Zlatan waxaa ka go’an in xirfadiisa uu ku soo gabagabeeyo horyaalka ingiriiska” ayaa lagu soo qoray Daily Star.
“Man United waxay hordhigaysaa Zlatan heshiis 2 sano ah oo uu ku qaadan doono 24 milyan oo Ginni, haddii uu heshiisku dhaco Ibra wuxuu noqon doonaa mid kamid ah ciyaartoyda ugu mushaarka badan horyaalka ingiriiska”.
“Zlatan Ibrahimovic sidoo kale wuxuu diirada u saaranyahay Arsenal iyo Chelsea laakiin Man United ayaa diyaar u ah inay soo muujiso cududeeda oo ay ka dul qaado dhamaan kooxaha kale”.
Gool FM