(Paris) 22 Seb 2017 Laacibka ugu qaalisan aduunka ee Neymar ayaa raali galiyay ciyaartoyda PSG kadib isku dhicii isaga iyo Cavani.
Neymar ayaa kula dhagay rigoore tuuris weerar yahanka reer Uruguay ee Edinson Cavani, dhacdadaas ayaana ka caraysiisay intabadan ciyaartoyda kooxda.
Laacibka reer Brazil ayaa soo qoray warqad uu ku raali galinayo asxaabtiisa kooxda sida ay baahisay L’Equipe.
Kabtanka kooxda ee Thiago Silva ayuuna u wakiishay inuu ka hor aqriyo ciyaartoyda warqada raali galintiisa.
Wararka ayaa intaa ku daraya in si rasmi ah loo dhameeyay haatan khilaafkii u dhexeeyay Cavani iyo Neymar ka hor kulanka barri ee Montpellier.
Gool FM