(Paris) 25 Sebt 2017. Waxaa lagu soo warraayaa in Paris Saint-Germain ay lacag badan u soo bandhigtay Edison Cavani si uu gool ku laadyada ugu daayo Neymar.
Cavani oo 95 gool u dhaliyey 140 kulan oo uu PSG u saftay tan iyo markii uu 2013kii ku soo biiray ayaa u muuqday mid Neymar kula dagaalay gool ku laadka kulankii Lyon.
Neymar oo lagu soo iibsaday dhaqaalihii abid ugu badnaa ayaa la sheegay in uu ka carooday dhacdadaas.
Si arintaas loo xaliyo madaxweynaha kooxda Nasser Al-Khelaifi waxa uu Cavani u soo bandhigay dalab qaali ah.
Majaladda ka soo baxda Spain ee El Pais waxa ay sheegtay in kooxdu ay Cavani siin doonto €1m – oo uu ku qaadanayo hadii uu noqdo dhaliyaha ugu sarreeya Ligue 1-ka waa hadii uu ka tanaasulo gool ku laadyada.
PSG ilaa iyo hadda lagama badin Ligue 1-ka waxa ayna dhibic ka sarreysaa Monoco.
Gool FM.