(Monaco) 30 Seb 2017 Weerar yahanka kooxda Monaco ee Radamel Falcao ayaa ka saramaray Lionel Messi marka la fiiriyo gool dhalinta xiliciyaareed kaan.
Radamel Falcao ayaa xalay gool u dhaliyay kooxdiisa kulan ay barbaro la gashay kooxda Montpellier, goolkaas ayaana ahaa kiisii 12-aad ee uu ka dhaliyo horyaalka faransiiska xiliciyaareed kan kadib 8-kulan oo uu ciyaaray.
Isku cel celis ahaan waxay ka dhigantahay in 31 jirkaan uu gool dhalinayay 55-daqiiqaba xiliciyaareed kaan.
Wuxuuna ka saramaray Messi kaas oo dhaliyay 9-gool 6 kulan oo uu ciyaaray, waxayna ka dhigantahay inuu gool dhalinayay 60-kii daqiiqaba xiliciyaareed kan.
Radamel Falcao ayaa seddex sano ka hor ku dhawaaday inuu ka fariisto kubadda cagta kadib dhaawac halis ah oo soo gaaray, laakiin haatan waa mid kamid ah weerar yahanada ugu fiican yurub.
Gool FM