(Paris) 10 Abriil 2016 Daafaca kooxda PSG Marquinhos ayaa ku rajo wayn in kooxdiisu ay gudaha ingiriiska ku ciqaabi karto marka ay soo booqdaan garoonka Etihad talaadada nagu soo aadan.
Man City ayaa barbaro ku soo gashay caasimada faransiiska arbacadii hore laakiin Marquinhos ayaa doonaya in kooxdiisu ay soo gaarto guul.
21 jirkaan reer Brazil oo la hadlay Le Parisien ayaa yiri:
“Fursad ayaan u haysanaa inaan u soo gudubno Semi Final-ka Champions League talaadada, waxaan rajaynayaa inaan caawiyo kooxdayda kulan walba”.
“Waan ka qayb qaadanayaa wax walba oo uu iga codsado tababaraha si aan u gaarno yoolkeena, uguna tartano koobabka yurub”.
Marquinhos oo ka hadlay xiriirka kala dhexeeya tababare Blanc ayaa yiri:
“Ma jirto dhibaato igala dhexeysa tababare Blanc, dabcan waxaan doonayaa inaan ciyaaro waana niyad jab inaad fadhiso keydka oo aadan ciyaarin”.
Gool FM