(Paris) 23 Nof 2017 Weerar yahanka reer Uruguay ayaa ku dhaw inuu jabiyo rikoorka gool dhalinta kooxdiisa PSG.
Wuxuu xalay dhaliyay 2-gool, wuxuuna haatan 5-gool u jiraa inuu soo barbareeyo Ibrahimovic oo ah laacibka ugu goolasha badan taariikhda PSG.
Laakiin wuxuu sheegay in muhiim uusan u arkin inuu jabiyo rikoorkaas, balse wuxuu cadeeyay inuu xooga saarayo sidii uu marwalba u caawin lahaa kooxdiisa.
“Rikoorka Zlatan? Ma qarinayo inaan maqlay dad ka hadlaya arinkaas, laakiin anigu kuma fikirayo wax aan ka ahayn inaan kooxda ka caawiyo sidii ay u joogtayn lahayd guulaha” ayuu yiri Edinson Cavani.
30 jirkaan ayaa u dhaliyay kooxdiisa PSG 151-gool 216-kulan oo uu u saftay tartamada oo dhan.
Gool FM