(Munich) 03 Dis 2017 Weerar yahanka Bayern Munich ee Thomas Muller ayaa ka hadlay kulanka kooxdiisu ay wajahayso PSG.
Kooxda reer France ayaa 3-0 uga soo adkaatay kulankii lugta hore kaas oo ka dhacay Paris, waxaana lagu xusuustaa in kadib kulankaas Bayern ay iska cayrisay tababare Carlo Ancelotti.
Thomas Muller ayaa sheegay in kooxdiisu ay doonayso inay 4-0 uga adkaato PSG si ay hogaanka ugu qabato guruubkooda.
“Arinku waa mid ku xiran qaabka ay ku socota ciyaarta, dhab ahaan 6-laacib kuma weerarayno laakiin waxaan doonaynaa inaan ku badino 4-0 oo aan qabano hogaanka gurubka” ayuu yiri Thomas Muller kadib kulankii xalay ay 3-1 uga adkaadeen Hannover96.
“Laakiin wax walba waxay ku xirnaan doonaan awooda kooxda ee dhanka gool dhalinta” ayuu sii raaciyay.
Gool FM