(Paris) 10 Dis 2017 Weerar yahanka kooxda PSG ee Kylian Mbappe ayaa xalay kooxdiisa ku hogaamiyay guul cajiib ah.
PSG ayaa 3-1 uga adkaatay Lille oo marti u ahayd, Kylian Mbappe ayaana dhaliyay goolkii 3-aad waqtigii dheeriga ahaa ee lagu daray ciyaarta.
Mbappé tue le match ! #PSGLOSC pic.twitter.com/s5J63j4gQ0
— Buts Ligue 1 ⚽ (@butsligue1) December 9, 2017
Goolhayaha kooxda Lille ayaa soo doontay madax xili kooxdiisu ay soo tuuranaysay koorno, waxayna qarka u saarnaayeen inay barbareeyaan PSG oo markaas ku hogaaminaysay natiijada ciyaarta 2-1.
Ciyaartoyda PSG ayaa soo bixiyay kubaddii waxayna lugta u gashay Kylian Mbappe kaas oo ka orod badiyay dhamaan daafacyada kooxda Lille oo midkood uu isku dayay inuu jilaafo.
Kylian Mbappe ayaa ku ordayay xawaare dhan 44.7 isaga oo saacadii jarayay 36 kiilo Mitir, waana uu ka sii badan karay haddii daafucu uusan jilaafi lahayn, wuxuuna qarka u fuulay inuu barbareeyo rikoorka orodka 100-ka Mitir ee Usain Bolt kaas oo ku orday 37.5 Kiilo Mitir saacadii.
Gool FM