(Manchester) 09 Jan 2018 Laacibka garabka weerarka uga ciyaara PSG ee Lucas Moura ayaa aqbalay dalab uga yimid Manchester United.
Lucas Moura ayaa doonaya inuu heshiis rasmi ah ugu biiro Man United, laakiin tababare Jose ayaa doonaya inuu amaah ku qaato bishaan Janaayo si uu ugu xoojiyo weerarkiisa sida uu baahiyay Gazzetta dello Sport.
PSG ayaa doonaysa inay iska wada iibiso Lucas Moura suuqa janaayo, maadama laacibku uu kooxda u ciyaaray horyaalka faransiiska xiliciyaareed kaan kaliya 72-daqiiqo.
Kooxda reer France ayaa ku doonaysa laacibkeeda lacag dhan 40 milyan oo euro oo u dhiganta 35 milyan oo Ginni, si ay u fasaxdo bishaan.
Laacibku waa uu ogolaaday inuu ku biiro Man United, balse waxaa harsan haatan in labada kooxood ay wada gaaraan heshiiskii uu Old Trafford ugu dhaqaaqi lahaa xiddiga reer Brazil.
Gool FM