(Paris) 24 Jan 2018 Qaab ciyaareedka horyaalka Faransiiska ayaa halis galinaya in Neymar uu u sii ciyaaro kooxda PSG oo bilooyin ka hor uu ku biiray.
Laacibka ayaa lala xiriiriyay inuu dib ugu laabanayo horyaalka Spain oo bilooyin ka hor uu ka soo dhaqaaqay kadib markii uu la qabsan waayay qaabka horyaalka faransiiska, inkasta oo 15-kulan oo uu ciyaaray uu dhaliyay 15-gool.
L’Equipe ayaa baahisay in Neymar uu u sheegay dad isaga u dhaw in horyaalka Spain uu ka fiican yahay horyaalka Faransiiska maadama aan aad loo beegsan jirin waqtigii uu ka ciyaarayay La Liga.
Neymar ayaa ka caraysan orinta taageeraaasha PSG ay ku oriyeen iyo sidoo kale horyaalka faransiiska oo ah mid difaac ku dhisan isla markaana isaga uun la beegsanayo marka uu wato kubadda.
Wargayska ayaa intaa ku daray in Neymar ay u badantahay inuu dib ugu laabto Spain isla markaana uu ku biiro Real Madrid maadama uu wado xun uga soo tagay Barcelona oo aysan haatan u fududeyn inuu dib ugu laabto.
Gool FM