(Paris) 26 Jan 2018 Laacibka garabka weerarka uga ciyaara PSG ee Lucas Moura ayaa qarka u saaran inuu ku biiro Tottenham bishaan Janaayo.
Idaacada dalka Faransiiska ee Radio Monte Carlo ayaa baahiyay in Lucas Moura uu shuruuda shaqsiga ah kala heshiiyay kooxda Tottenham.
Lucas Moura ayaa qalinka ugu duugaya kooxda Tottenham heshiis 4-sano ah, waxaana la sheegay in kooxda reer ingiriis ay ku soo qaadanayso 25 milyan oo Ginni.
Tottenham ayaa ka dul qaaday saxiixa Lucas Moura kooxaha Manchester United iyo Liverpool si wayn loola xiriiriyay suuqa bishaan Janaayo.
25 jirka reer Brazil ayaan hal kulan xitaa ku soo bilaaban xiliciyaareed kaan, wuxuuna badal ku yimid oo kaliya 6-kulan, xiddiga ayaa ugu danbayntii go’aansaday inuu raadsado koox uu ka heli karo boos joogto ah.
Gool FM