(France) 27 Jan 2018. Edinson Cavani ayaa noqday laacibka ugu goolasha badan Taariikhda kooxda PSG kaddib goolka uu ka dhaliyay Montpellier ciyaarta ay iminka wada yeelanayaan.
Dhaliyaha reer Uruguay ayaa usbuucii tagay soo bar bareeyay Rikoodhka Zlatan Ibrahimovic, balse iminka isaga ayaa mid cusub lugtiisa ku qoray.
Cavani ayaa dhaliyay 157-gool 229-kulan uu u saftay kooxda reer France taa oo ka dhigan inuu yahay kan ugu goolasha badan taariikhda.
Ciyaarta oo minka socoto qeybta labaad ayaa waxaa goolka labaad PSG u dhaliyay Neymar kaa oo isna ka dhignaa inuu yahay goolkii 2,000-aad ay Camaaliqada reer France ku dhaliso garoonkeeda Parc des Princes.
Gool FM.