“Neymar baahi wayn ayuu u qabay inuu ka hoos baxo Messi”– Dani Alves

(Paris) 29 Jan 2018 Daafaca kooxda PSG iyo xulka Brazil ee Dani Alves ayaa ku taageeray Neymar go’aankii uu uga hoos baxay Messi.

Alves ayaa sheegay in labada laacib ay yihiin kuwo isku fiican inay iska garab ciyaaraan, balse wuxuu cadeeyay in Neymar uu aad ugu baahi qabay inuu ka baxo hooska Messi.

Wuxuu intaa ku daray in laacibku marka uu ka garab ciyaarayo Messi uu shaki ka galayo wax qabadkiisa, maadama lawada fiirinayo wax tarka Messi.

“Neymar marka uu ka garab ciyaarayo Messi waa labo laacib oo dhamaystiran, laakiin Neymar aad ayuu ugu baahnaa inuu ka baxo hooska Messi” ayuu yiri Alves.

“Shaki kuma jiro in ka garab ciyaarida laacib fariid ah sida Messi oo kale inay tahay cajiib, laakiin waxaad ka shakinaysaa wax tarkaaga marka aad ka garab ciyaarayso”.

“Waxaan rumaysanahay inay kuu fududaanayso ku guulaysiga abaal marino shaqsi ah marka aadan u dhawayn laacib isaga oo kale ah”.

Alves ayaa la waydiiyay lugtii uu ku lahaa in Neymar uu ku biiro PSG, wuxuuna ku jawaabay:

“Wax lug ah kuma lahayn, markii uu ku biirayay Barcelona waa sax aniga ayaa ka caawiyay, laakiin markaan wax lug ah kuma lahayn, waxaan u sheegay oo kaliya inuu ku dhaqaaqo waxa uu ka go’aansado niyadiisa”.

Gool FM