(Paris) 08 Feb 2018 Daafaca kooxda PSG iyo xulka Brazil ee Dani Alves ayaa ku jira ciyaartoyda dharka ugu yaabka badan uguna qaalisan soo xirta intabadan.
Dani Alves ayaa qaba haweeneey ka shaqaysa Fashion-ka taas oo lagu magacaabo Joana Sanz, waxaana la ogsoonyahay inuu ka soo muuqdo xafladaha lagu soo bandhigo dharka.
34 jirka reer Brazil ayaa ka soo muuqday isbuuca Fashionka ee magaalada Paris, wuxuu sidoo kale dhawr jeer ka soo muuqday xaflado lagu soo bandhigayay dhar layaab leh oo soo jiidasho leh.
Mar ayaa lagu arkay isaga oo xiran ookiyaale qiima ahaan jooga 841 Ginni iyo jaakad qiimeheedu dhanyahay 2 kun iyo 600 oo Ginni, markale ayaa la arkay isaga oo xiran kobo qiimahooa lagu sheegay 680 Ginni.
Jaakadii ugu qaalisanayd ee lagu arko laacibka kooxda PSG ayaa qiimaheeda lagu sheegay 5 kun iyo 124 Ginni, waana lacag ka badan 5-kun oo doolar.
Sida kaaga muuqan doonta sawirada hoose, Waxaa ku qoran dhar walba oo uu xiranyahay iyo qiimaha uu ku fadhiyo labiskiisa oo u qiimaysan mid mid, xitaa lagama reebin ookiyaalaha uu wato.
Gool FM