(Paris) 10 Feb 2018 Laacibka qadka dhexe ee PSG ayaa amaanay xiddiga ay isku kooxda yihiin ee Neymar kaas oo intabadan loo jeediyo eedeyn.
Neymar ayaa gool ku laad kula dagaalay weerar yahanka reer Uruguay ee Edinson Cavani, dhacdadaas kadib saxaafada qaar ayaa sheegaya in laacibka reer Brazil uusan ku faraxsanayn kooxdiisa.
Laakiin Adrien Rabiot ayaa sheegay in Neymar uu yahay laacib dagan oo si aan isla wayni ku jirin ula dhaqma dhamaan ciyaartoyda PSG.
“Neymar waa shaqsi aad u jilicsan, si dabiici ah ayuu ula dhaqmaa dhamaan ciyaartoyda qolka labiska, iskumana haysto inuu isagu yahay xiddiga kooxda” ayuu u sheegay L’Equipe.
“Wuu awoodaa inuu sare isku qaado, waan ognahay inuu leeyahay waxyaabo badan oo uu ku fiicanyahay, xaaladaas oo kale waxaa la qaba Mbappe”.
“Laakiin muhiimad ma siinayo arinkaas, mana dareemayo masayr ku aadan laacib kale” ayuu sii raaciyay.
Gool FM