(London) 19 Feb 2018 Carlo Ancelotti ayaa iska diiday inuu dib ugu laabto kooxdiisii hore ee PSG oo uu tababare u ahaa ka hor intii uusan u dhaqaaqin Real Madrid.
Tababaraha reer talyaani ayaa bilowgii xiliciyaareed kaan laga cayriyay shaqada kooxda Bayern Munich, kadib guul daro 3-0 ah oo ka soo gaartay PSG wareega guruubyada ee Champions League.
Maamulka kooxda PSG ayeey ka go’antahay inay iska diraan Unai Emery, waxayna liiska ku darsadeen tababare Carlo Ancelotti, balse tababaraha reer talyaani ayaan diyaar u ahayn inuu dib ugu laabto kooxda Faransiiska sida ay baahisay Mirror.
Carlo Ancelotti ayaa doonaya inuu ku noolaado magaalada London, wuxuuna si wayn u doonayaa inuu tababare u noqdo kooxdiisii hore ee Chelsea.
Sidoo kale, London ayuu fursad kale ka heli karaa haddii tababare Arsene Wenger uu baneeyo xilka Arsenal dhamaadka xiliciyaareed kaan.
Gool FM