(Leicester) 26 Abriil 2016 Kubadd sameeyaha kooxda Leicester City Riyad Mahrez ayaa si rasmi ah u sheegay inuusan u socon kooxda lacagta badan ee PSG.
Riyad Mahrez oo xiliciyaareed cajiib ah ku qaatay horyaalka ingiriiska ayaa ku guulaystay laacibkii ugu fiicnaa Premier League xiliciyaareed kan dhamaadka ah.
Mahrez ayaa sheegay inuu ku qanacsanyahay joogitaankiisa horyaalka ingiriiska taas oo sii shidi doonta tartanka kooxaha ingiriisku ay ugu jiraan saxiixiisa.
“Ilaa haatan xamaasad buuran uma qabo ku biirida kooxda PSG” ayuu ku jawaabay Riyad Mahrez oo wax laga waydiiyay suuro galnimada uu ugu biiri karo kooxda reer France.
“Paris waa magaaladayda laakiin uma arko nafsad ahaantayda inaan dib ugu laabto, ma doonayo inaan dib ugu laabto France, waxaan jeclahay ingiriiska” ayuu sii raaciyay Mahrez.
Gool FM