( France ) 04 Juunyo 2018. Xiddiga Manchester United ayaa kusoo bilaawday kulankii ay jimcaha guusha ka gareen xulka Italy cayaar ku dhamaatay 3-1, laakiin ma uusan muujin cayaar wanaagsan kulankas.
Taageerayaasha xulka France ayaa ku oriyay Pogba cayaartas waxeyna taa sameyn ku yeelan doonta inuu waayo booska kowaad kooxda xili uusan macalin Didier Deschamps waxaba ka oran arinta laacibkan.
25 jirkaan ayaa kala mid ahaa qadka dhexe cayaartoyda N’Golo Kante iyo laacibka Bayern Munich Corentin Tolisso dheeshii Italy.
Dhamaan baasaskiisa waa ay liiteen cayaartaas waxaana yaraa wax tarkiisa qadka dhexe.
Pogba wuxuu ahaa mid ay ku qeylinayeen jamaahiirta xulka France cayaartii ka dhacday Nice markii lagu badalay Steven N’Zonzi daqiiqadii 87-aad.
Pogba ayaa horay looga tagay xulka qaranka kulankii ay guuldarada kala kulmeen Colombia bishii March, halka hogaamiyaha united Jose Mourinho uu isna dhawr jeer keydka dhigay Pogba kulamada Horyaalka.
Gool FM.