(Paris) 18 Juunyo 2018 Buffon ayaa ka tagay kooxdiisa Juventus xiliciyaareedkii dhamaaday, haatana waa koox la’aan.
Isbuucyadii hore ayaa la baahiyay in Buffon uu heshiis la gaaray kooxda reer France ee PSG si uu ugu biiro suuqa kala iibsiga ee xaggaagan.
TuttoMercato ayaa daaha ka qaaday in la hakiyay heshiiskii uu Buffon ugu biiri lahaa PSG si kooxdu ay isaga xaliso arimaha suuqa ee ay isku haayaan UEFA.
PSG ayaa loo sheegay inay iska dirto ciyaartoy dhawr ah ka hor inta aysan dhamaan bishaan haatan socota, sababtaas darteed ayaana hakad loo galiyay imaan shaha Buffon.
Inkasta oo goolhayuhu uu bilaash ugu biirayo kooxda PSG ayaa hadana la hakiyay heshiiskiisa si loo xaliyo arinta sharciga dhaqaale wanaaga kooxaha yurub.
Gool FM