(Real Madrid) 19 Juunyo 2018. Kooxda Paris Saint-Germain ayaa muujineysa sida ay kaga go’an tahay inay gcanta ku dhigto saxiixa laacibka kooxda Real Madrid ee Cristiano Ronaldo, waxayna dooneysaa inay kasoo gudbiso dalab cusub.
Wargeyska “El Mundo Deportivo” ee dalka Spain ayaa wuxuu shaaca ka qaaday in dalabka PSG uu gaarsiisan yahay ilaa iyo 265 milyan ginni.
Cristiano Ronaldo ayaa sidoo kale hadii uu go’aan inuu u dhaqaaqo kooxda reer France ee PSG wuxuu mushaar ahaan sanadii u qaadan doonaa qiimo dhan 40 milyan oo ginni.
Laakiin “Mundo Deportivo” ayaa wuxuu intaas kusii daray in Real Madrid ay qorsheeneyso Cristiano Ronaldo inay u soo bandhigto heshiis cusub, si ay u soo afjarto wararka ku aadan in uu ka dhaqaaqi doono garoonka Santiago Bernabéu.
Cristiano Ronaldo ayaa si cad shaki u kaliyay mustaqbalkiisa garoonka Santiago Bernabéu kadib finalkii Champions League, wuxuuna sheegay inuu goor dhow kala go’aamin doono inuu sii joogayo iyo inkale.
Gool FM.