(Roma) 24 Juunyo 2018 Roma ayaa gacanta ku soo dhigtay xiddiga reer Argentina ee Kooxda PSG ee Javier Pastore sida ay baahisay Football Italia.
Kooxda ka dhisan caasimada talyaaniga ayaa ku la heshiisay PSG lacag dhan 18 ilaa 20 milyan oo euro iyo lacago abaal marin ah oo ka dhigaysa heshiiska 24 milyan oo euro.
Javier Pastore ayaa soo gaaraya caasimada talyaaniga barri oo isniin ah, wuxuuna marayaa tijaabada caafimaadka maalinta ku xigta ee talaadada.
Xiddigaha kala ah Santon iyo Zaniolo oo qayb ka ah heshiiska Radja Nainggolan uu ugu biirayo Inter ayaa iyaguna barri tijaabada caafimaadka u maraya kooxda Roma.
Gool FM